—
- Miðvágur, Faroe Islands
- 27. januar 2021
- vesturvon.fo
Felagins lýsing
Vit veita heimabúgvandi fólkapensjónistum tænastur, ið kunnu stimbra likamliga, sálarliga og sosialt soleiðis, at borgarin kann búgva í egnum heimi sum longst.
Samskipað heildartænasta
Endamálið hjá Vesturvón er at veita borgarum við tørvi á hjálp eina samskipaða heildartænastu. Vesturvón heldur til á heiminum á Sýnini, og fevnir um heimahjálp, sjúkrarøkt, umlætting, rehabilitering, terapeutiskar venjingar, matartænastu og dagtilboð.Vesturvón virkar fyri:
- at fyribyrgja sjúku,
- at stimbra sálarligu og likamligu heilsu og trivnað borgarans,
- at endurmenna mistan førleika,
- at stimbra møguleika hins einstaka at klára seg sjálvan,
- at veita røkt og umsorgan.
Avgerðir um tænastur og tilboð skulu vera grundaðar á fakliga tørvsmeting.
Avgerðirnar skulu tryggja, at borgarin við størsta tørvi á persónligari hjálp, røkt ella stuðli fær í boði eitt samskipað heildartilboð.
Hjálpin skal taka atlit til tørv, trivnað, fortreytir og sjálvsavgerðarrætt borgarans, og skal í størst møguligan mun verða veitt í samráð og í samstarvi við hin einstaka, og í øðrum lagi við tey avvarðandi, við samtykki frá tí einstaka.
Leys størv í Vesturvón
Ongar starvslýsingar funni.
