Lýsing
Giljagarður søkir eftir kliniskum sjúkrarøktarfrøðingi í farloyvisstarv at byrja 01.01.2027 til 31.01.2028. Talan er um starvsbrøk 0,75, ið svarar til eitt miðaltímatal á 30t/viku. Starvast verður í dagtímunum og 3. hvørt vikuskifti í røktini.
Giljagarður er eitt sambýli til 10 fólk, og har arbeiða sjúkrarøktarfrøðingar, heilsurøktarar, heilsuhjálparar, hjálparfólk umframt reingerðarfólk.
Fysio- og ergoterapeutar koma regluliga á Giljagarð.
Innihaldið í starvinum sum kliniskur sjúkrarøktarfrøðingur er, at
- tryggja og menna sjúkrarøktina á Giljagarði
- hava ábyrgd av teimum sjúkrarøktarfakligu uppgávunum á Giljagarði við geriatriskum, samansettum,
- bráðfeingis, somatiskum og sálarligum vandamálsstøðum
- hava ábyrgd av undirvísing og upplæring av starvsfólkum
- samstarva tvørfakligt við fleiri fakbólkar bæði innan- og uttanhýsis
- hava serlig fakøki so sum heilivág, kliniska vegleiðing og palliatión um hendi
- saman við deildarleiðara tryggja skjalfestan og gera og íverkseta mannagongdir
Vit kunnu bjóða
- góða innleiðslu, eitt gott arbeiðspláss, ein fakliga spennandi og mennandi gerandisdag
- góðar møguleikar fyri førleikamenning
Starvsfólk hjá Nánd kunnu venja ókeypis á Miðstøðini í Leirvík ávísar tíðir.
Førleikakrøv:
- Prógv og góðkenning sum sjúkrarøktarfrøðingur
Vit vænta at tú
- hevur áhuga og hegni at arbeiða við eldri fólki og vilt arbeiða útfrá visión, missión og
- virðisgrundarlagnum hjá Nánd
- hevur eina skipaða tilgongd til uppgávuloysn, arbeiðir sjálvstøðugt, samstarvar við starvsfólkini og letur øðrum fakbólkum hóskandi uppgávur í hendi
- ert reflekterandi og kreativ/ur í tíni tilgongd til nýggjar uppgávur
- virkar fyri eini persónsrættaðari umsorgan (PCC)
- hevur eina viðurkennandi tilgongd og ert áhugað/ur í at førleikamenna starvsfólkini bæði við sparring og undirvísing
- dugir væl at málbera teg í skrift og talu og hevur góðan telduførleika
Setanarviðurskifti
Starvið verður at seta 01.01.2027 og lønt sambært sáttmála við KAF/Fíggjarmálaráðið og Felagið Føroyskir Sjúkrarøktarfrøðingar.
Meira fæst at vita
Meira fæst at vita um starvið við at venda sær til Sonju Simonsen, deildarleiðara, tlf. 730282 ella við telduposti sonja@eystur.fo
Umsókn
Umsókn saman við prógvum, góðkenning og upplýsingum um útbúgving og royndir verður at senda til sonja@eystur.fo ella til Nánd, Oyran 2, 512 Norðragøta. Viðmerkjast skal: ”Kliniskur sjúkrarøktarfrøðingur til Giljagarð”.
Umsóknarfreistin er 21.10.2026.
Meira kann lesast um visjón, missión og virðir hjá Nánd her
