Lýsing
Eitt starv sum Yvirstýrimaður við skipunum hjá Vørn, verður hervið lýst leyst, til setan skjótast gjørligt.
Starvið fevnir m.a. um hesar uppgávur:
- Ganga vakt eftir vaktarskipan, sum skiparin fyriskipar.
- Kunnleika til lógarverkið, ið Vørn arbeiðir eftir, s.s. fiskivinnulóggávuna o.a. viðkomandi reglum.
- Luttaka í dagliga arbeiðinum.
- Útføra tær arbeiðsuppgávur sum eru sambært ISM-manualinum.
- Annað fyrifallandi arbeiði
Førleikakrøv:
- Skipsføraraútbúgving.
- Vinnubræv sum stýrimaður við handilsskipum á 1. stigi(STCW-regl. II/2 as Chief Mate).
- Heilsuváttan fyri sjómenn.
- Góðan førleika at samskifta á føroyskum, norðurlenskum og enskum máli.
- Hollar royndir innan fiskiveiðieftirlit er ein fyrimunur, men tó ikki eitt krav.
- Stórur dentur verður lagdur á góð samstarvsevni og hegni at fyriskipa.
- Øll viðkomandi skeið. Fyrimunur við gildugum prógvum.
- Aldur og heilsu til at gerðast kavari. Fyrimunir men ikki krav.
Setanartreytir:
Starvið er tænastumannastarv og lønt í 32 og 33. lønarflokki eftir lønartalvuni hjá Tænastumannafelaginum. Setanarøkið fevnir um Uttanríkis- og fiskimálaráðið og deildum/stovnum undir tí, umframt hini stjórnarráðini og Løgmansskrivstovuna.
Starvsheiti er Yvirstýrimaður. Tænastustaðurin í løtuni er á Vørn.
Tann ið settur verður, má tola broytingar í starvinum, og at øki verður umskipað, til eisini at fevna um aðrar uppgávur.
Umsóknir:
Skrivlig umsókn við: CV, avrit av prógvum fyri førleikakrøv og møguligum viðmælum skulu vera Vørn í hendi í seinasta lagi 20. okt 2026 kl. 12.00.
Umsóknirnar skulu sendast til :
Vørn, postsmoga 1238, 110 Tórshavn. Ella sum teldupost: vorn@vorn.fo
(øll viðheft skjøl skulu vera í pdf-formati)
Nærri upplýsingar um starvið kunnu fáast við at venda sær til Vørn tlf. 31 10 65 og tosa við Jóannes Heimustovu. Henda lýsing er eisini á heimasíðuni www.vorn.fo
