Klaksvíkar Kommuna
Lýsing
Veist tú hvat eyðkennir arbeiði sum dagrøktari, og hevur tú hug at hava eitt smábarnatilboð í egnum heimi?
Arbeiði sum dagrøktari er bæði spennandi og mennandi, eins og tað krevur áhuga og góðar førleikar at vera um smábørn. Vit arbeiða út frá einari tilgongd, har smábarnið hevur rætt til ein tryggan og mennandi gerandisdag við positivum samspæli millum vaksin og børn. Eisini er umráðandi, at børnini hava eitt virkið inni- og útilív.
Arbeiðsstaðurin er í tínum egna heimi og í Spælistovuni á Brekku 36 í Klaksvík. Sum dagrøktari hevur tú 3 til 4 børn í aldrinum frá tíggju mánaðum til trý ár, og hetta gevur tíð til nærveru og umsorgan fyri tí einstaka barninum í smáum bólkum. Í løtuni starvast 14 dagrøktarar í skipanini.
