Lýsing
Vit leita eftir dugnaligum og álítandi maskinisti ella handverkara til smiðjuna í Kollafirði, at byrja skjótast til ber.
Arbeiðsuppgávur
Arbeiðsuppgávurnar fevna í høvuðsheitum um:
- at vera við í fyribyrgjandi viðlíkahaldi av útgerð
- feilfinning og umvæling av maskinum, bilum og øðrum framleiðslutólum, so sum knúsarum og asfaltverki
- annað arbeiði í smiðjuni
Førleikakrøv
Tú hevur viðkomandi útbúgving sum maskinist, entreprenørmaskinsmiður, maskinsmiður, bilsmiður ella líknandi. Ert tú sjálvlærd/-ur við drúgvum royndum innan líknandi arbeiði, ert tú eisini vælkomin at søkja.
Stóra koyrikortið er ein fyrimunur, tó ikki ein treyt. Hinvegin er tað eitt krav, at tú hevur vanliga koyrikortið.
Sum persónur ert tú forvitin og hevur hug at seta teg inn í nýtt arbeiði. Harafturat vænta vit, at tú ert dugnalig/-ur og arbeiðssom/-samur. Tú arbeiðir sjálvstøðugt, ert fyrikomandi og gevur eitt jaligt íkast til arbeiðsplássið.
Á Landsverki seta vit trygdina í hásæti. Tí er umráðandi, at tú dugir at vísa arbeiðinum ans og virðir galdandi trygdarreglur, sum eru tengdar at uppgávunum.
Setanarviðurskifti
Talan er um fastlønt fulltíðarstarv. Roknast kann við nakað av yvirtíðararbeiði og tilkallivakt um veturin.
Løn og setanarviðurskifti annars eru sambært sáttmála millum Fíggjarmálaráðið og avvarðandi yrkisfelag.
Umsókn
Umsókn við prógvum og lívsgongdarlýsing (CV) skal sendast við at trýsta her.
Umsóknin skal vera okkum í hendi í seinasta lagi 23. september 2026.
Nærri upplýsingar um starvið kunnu fáast við at venda sær til Magna Berg, smiðjuformann, á tlf. 340 751 ella teldupost mabe@lv.fo.
