Lýsing
Brennur tú fyri eldraøkinum og fyri at skapa góð og virðilig kor fyri húsfólk og aldrandi borgaran, so er tað tær, vit leita eftir til eldrasambýlið oman Hoydalar, ið er partur av Heilsu- og umsorganartænastuni í Tórshavnar kommunu.
Heilsu- og umsorganartænastan er skipað í trimum eindum – Heilsuhúsið og tvær búeindir við 203 búplássum umframt 11 umlættingarplássum og fimm plássum til samdøgursendurvenjing.
Eldrasambýlið oman Hoydalar
Á eldrasambýlinum húsast 9 fólk. Uppgávurnar eru umframt røkt og umsorgan eisini tað, sum hoyrir til eitt vanligt húsarhald til dømis matgerð, klædnavask og at bíleggja allar vørur.