Lýsing
Vit í Norðurlandahúsinum søkja eftir einum eldhugaðum og tænastusinnaðum avloysara til móttøkuna. Talan er um eitt tímalønt starv við arbeiðstíðum eftir vaktarætlan í tíðarskeiðinum 28. juni til 31. august, íroknað vikuskifti og halgidagar. Arbeitt verður uml. hálva tíð hetta tíðarskeiðið.
Møguleiki er at fáa vikuskiftis- og seinnaparts-/kvøldarbeiði eftir summarfrítíðina.
Arbeiðsuppgávur
- Taka ímóti og vegleiða vitjandi
- Svara telefonini og teldupostum
- Søla av atgongumerkjum og søluvørum
- Einfaldar fyrisitingarligar uppgávur
- Hjálpa til við at halda húsið hugnaligt og innbjóðandi
Førleikar
- Royndir við kundatænastu og/ella móttøkuarbeiði eru ein fyrimunur
- Góð samskiftisevni í bæði skrift og talu
- Tú dugir føroyskt, skandinaviskt og enskt
- Grundleggjandi KT-førleikar
- Tú ert tænastusinnað/ur og fyrikomandi
Persónligir eginleikar
- Jalig/ur og opin
- Fleksibul og skjóttonkt/ur
- Ábyrgdarfull/ur og álítandi
Vit bjóða
- Eitt spennandi og fjølbroytt summarstarv í einum skapandi og mentanarligum umhvørvi
- Møguleika fyri at møta nýggjum fólki
- Skiftandi arbeiðstíðir eftir vaktarætlan
Løn sambært avtalu
Hevur hetta tín áhuga? Send okkum títt CV og eina stutta umsókn til trondmartin@nlh.fo í seinasta lagi 31. mai.
Vit gleða okkum at frætta frá tær!
Norðurlandahúsið er eitt norðurlendskt lista- og mentanarhús við einari sera fjøltáttaðari skrá. Gjøgnum okkara arbeiði eru vit ein av týdningarmestu amboðunum hjá Norðurlendska Ráðharraráðnum í politisku raðfestingini av norðurlendska mentanarsamstarvinum. Norðurlandahúsið umsitir Tónlistavirðisløn Norðurlandaráðsins. Í Norðurlandahúsinum starvast 16 fólk.
