Lýsing
Søkt verður eftir tveimum námsfrøðingum til Bú- og viðgerðarstovnin á Jústabrekku í Klaksvík. Høvuðsuppgávan og endamálið er at skapa menningarmøguleikar fyri borgararnar og fyrireika teir til eitt sjálvbjargið og virkið lív.
Um størvini
Tvey størv 40 tímar um vikuna at byrja 01.02.2023 ella eftir nærri avtalu. Arbeitt verður í skiftandi vaktum, sum fevna um alt døgnið allar dagar í vikuni. Arbeiðsstaðurin er í Klaksvík.
Arbeiðsuppgávur
Arbeiðsuppgávan og endamáli við stovninum er, at ung fólk í aldrinum 18-25 ár við lættari menningartarni og samansettum trupulleikum fáa hjálp og stuðul at finna sína egnu leið út í lívið. Uppihaldið hjá teim ungu kann væntast at vara í eitt avmarkað tíðarskeið, í upp til trý ár. Við málrættaðari sosialnámsfrøði og stuðli skulu ungu fólkini mennast og vegleiðast í gerandisdegnum. Starvsfólkini skulu duga at samskifta og veita umsorgan.
