Lýsing
Søkt verður eftir arbeiðsformanni til Gøtuljósdeildina at byrja 1. mars 2024 ella eftir nærri avtalu, tó í seinasta lagi 1. apríl 2024.
Gøtuljósdeildin er staðsett í Torfinsgøtu 21, og tekur sær av viðlíkahaldi og nýgerð av gøtu- og ferðsluljósunum í kommununi, umframt at pynta býir og bygdir til høgtíðirnar.
Á deildini starvast 6 fólk, ein driftsleiðari, ein arbeiðsformaður, tveir handverkarir og tveir arbeiðsmenn.
Um starvið
Sum arbeiðsformaður kemur tú at leggja tær dagligu uppgávurnar tilrættis í tøttum samstarvi við driftsleiðaran.
Tú kemur at innganga í vaktarskipanina har tú hevur døgnvakt 4. hvørja viku.
Førleikakrøv
- Tú hevur el-tekniska handverkaraútbúgving (elektrikari) og arbeiðsroyndir innan fakið
- Tú hevur koyrikort til persónbil (Tað er ein fyrimunur, men ikki eitt krav um tú hevur stóra koyrikortið)
- Tú dugir væl at samskifta við bæði leiðslu, starvsfelagar og borgarar
- Tú dugir bæði at samstarva og at arbeiða sjálvstøðugt.
- Tú er nærlagdur og røkin