Lýsing
Fysioterapeutur til fysioterapeuttoymið í Heilsu- og umsorganartænastuni
Um ikki skikkaður fysioterapeutur søkir starvið, kann annað starvsfólk við aðrari viðkomandi útbúgving setast í starvið.
Heilsu- og umsorganartænastan søkir eftir einum fysioterapeuti, sum brennur fyri at stuðla aldrandi borgaran soleiðis, at hann gerst virkin og vakin alt lívið.
Talan er um avbjóðandi og gevandi starv, har tú kemur at virka bæði í venjingarhølum, heima hjá borgaranum og á teimum ymisku eldrabústovnunum í Heilsu- og umsorganartænastuni.
Eisini er møguleiki at arbeiða í nýggja rehabiliteringstoyminum, sum hevur til endamáls at hjálpa borgaranum ið at klára seg sjálvan. Tað toymið er mannað av ergoterapeutum, fysioterapeutum, heilsurøktarum og sjúkrarøktarfrøðingum, og stórur dentur verður lagdur á tvørfakligt samstarv.
Fysioterapeuttoymið er staðsett í Heilsuhúsinum, ið veitir tænastu til heimabúgvandi borgarar, og har tær tvørgangandi tænasturnar verða skipaðar.