Lýsing
Søkt verður eftir einum heilsuhjálpara at veita húsfólkunum á Ellsiheiminum í Tórshavn røkt og sjúkrarøkt. Vit søkja eftir einum heilsuhjálpara sum kann arbeiða heilsufremjandi og sjúkufyribyrgjandi, at stuðla húsfólkunum í at vera so virkin sum gjørligt, soleiðis at allir førleikar og sansir verða varðveittir sum longst.
Ellisheimið er 85 ára gamalt røktarheim miðskeiðis í Tórshavn. Á Ellisheiminum búleikast 25 húsfólk, og uml. 35 starvsfólk hava sítt yrkið her. Á Ellisheiminum leggja vit dent á at skapa tryggleika og lívsgóðsku fyri húsfólkið. Hetta við at arbeiða viðurkennandi, og saman við húsfólkunum og avvarðandi at skapa eitt umhvørvið, har partarnir kunna trívast og mennast.
Dentur verður eisini lagdur á tvørfakligt samstarv við t.d. fysio- og ergoterapeutar, og royna vit javnan at gera ymsar aktivitetir fyri húsfólkið.
