Lýsing
Psykiatriski depilin hevur tørv á læknaskrivara til setan 1. februar 2023 ella eftir nærri avtalu. Talan er um eitt farloyvisstarv í fullari tíð til 31. januar 2024.
Virksemið á Psykiatriska Deplinum fevnir bæði um ambulantar eindir og innleggingareindir. Arbeitt verður við útgreining og viðgerð. Starvsfólk við ymiskum fakligum førleikum arbeiða í tøttum samstarvi. Psykiatriski depilin arbeiðir við eini samskapandi psykiatri, har vit stremba eftir at leggja virksemið til rættis við hugtøkunum “recovery og rehabilitering” í huga. Vit arbeiða alla tíðina við betran av okkara tænastum og nýta háttalagið Quality Improvement (QI).
Sum læknaskrivari ert tú við til at samskipa sjúklingaforløbini og eru arbeiðsuppgávurnar millum annað umfataðar av innkalling, planlegging, fyrisiting av kalendarum, skriva journal, avgreiða ávísingar, bíleggja blóðroyndir, samskifta við aðrar myndugleikar, innheinta upplýsingar, skráseting, senda umsóknir um heilivágstilskot, avgreiða kautiónir, telefonavgreiðsla og endurnýggjan av reseptum.
Við ársenda flytir Psykiatriski Depilin í nýggja H-bygningin á Landssjúkrahúsinum.
