Lýsing
Ert tú áhugað/ur í sølu og kundatænastu? Ynskir tú at byrja tína yrkisleið innan søluøkið? Landshandilin, ein leiðandi heilsøla í Føroyum, søkir eftir einum ágrýtnum og miðvísum sølulærlingi at gerast partur av okkara toymi. Vit umboða heimskend merkir innan góðgæti, kips, drekkivørur og aðrar matvørur. Hetta er ein framúrskarandi møguleiki at læra frá teimum bestu, menna tínar førleikar og vaksa yrkisliga.
Arbeiðsuppgávur:
- Menna og viðlíkahalda sambond við verandi og nýggjar kundar.
- Hjálpa til við at gera sølu- og marknaðarføringsætlanir.
- Handfara kundabíleggingar.
- Luttaka í vøruframløgum og sølufundum.
- Gera marknaðargreiningar og finna nýggjar sølumøguleikar.
- Geva íkast til dagligu rakstraruppgávur í sølutoyminum.
Hvat vit vænta av tær:
- Stóran áhuga fyri sølu og kundatænastu.
- Góðan sans fyri smálutum og førleikar at handfara fleiri uppgávur í senn.
- Førleikar at arbeiða sjálvstøðugt eins væl og í toymi.
- Góðar samskiftisførleikar - bæði skrivliga og munnliga.
- Grundleggjandi kunnleika til KT.
- Jaligan hugburð og vilja til at læra og mennast.
- Arbeiðsroyndir innan sølu er ikki krav.
Starvs- og lønarviðurskifti:
Allar umsóknir verða viðgjørdar í trúnaði. Lærutíðin er millum 2-4 ár - alt eftir hvørja útbúgving umsøkjarin hevur. Skúlaskeiðið er á Glasir. Lærlingalønin verður ásett sambært sáttmála við Samverk.
Umsókn og freist:
Kunning um starvið fæst við at venda sær til Ingvard Vang á tlf.+298 221385 ella á ingvard@landshandilin.fo
Umsóknarfreistin er 5. juli 2024. Byrjanardagur er 15. juli 2024. Um vit finna rætta viðkomandi, er møguleiki at byrja fyrr.
Søk starvið umvegis leinkjuna her: Starvslýsing - Totalview HR Recruitment
