Lýsing
Eitt fast starv, sum námsfrøðiligur stuðul (lønarbrot 0,6) til næmingar við serligum tørvi.
Vit vænta av tær, at tú:
- hevur námsfrøðiliga útbúgving
- hevur góðar relatiónsførleikar, er fyrikomandi og samstarvshugað/ur
- vil vera við til áhaldandi at menna teg sjálva/an og skúlan
- vil fevna ymisleikanum og styrkja felagsskapin
- er stundislig/ur og nærløgd/lagdur
- er eldhugað/ur at arbeiða við næmingum úr 6. - 9. flokki
Førleikakrøv
Okkum tørvar námsfrøðiligan stuðul, ið kann átaka sær at menna og búgva næmingar. Starvið inniber at stuðla næmingum, so teir kunnu luttaka í floksundirvísingini umframt at skipa virksemi í Stillustovu saman við hinum námsfrøðiliga stuðlinum.
Lønar- og setanartreytir
Námsfrøðiliga starvið er lønt sambært sáttmála millum Fíggjarmálaráðið og Pedagogfelagið. Barnaváttan verður kravd í samband við setan.
Um eingin námsfrøðingur søkir, kann hjálparfólk og/ella fólk við aðrari útbúgving verða sett í tíðaravmarkað starv.
Umsóknir
Umsóknir við avriti av prógvum, c.v. og møguligum ummælum skulu vera skúlanum í hendi í seinasta lagi 16.07.2026 kl. 12.00. Meira fæst at vita um starvið við at seta seg í samband við Jacqueline Benzon, skúlastjóra á tlf. 216038 ella at senda t-post til meginskulin@skulin.fo
Væntandi verða setanarsamrøður stutt eftir freistina.
Sandoyar Meginskúli hevur 53 næmingar úr 6. til 9. flokk. Í skúlanum arbeiða 17 starvsfólk. Lærarar, námsfrøðingar, húsavørðir, reingerðarfólk og heilsufrøðingur.
