Lýsing
Deildin fyri heilsu- og sjúkrarøktarvísindi (DHS) á Fróðskaparsetri Føroya søkir eftir tveimum námslektarum í sjúkrarøktarfrøði.
Annað starvið er eitt fast starv við byrjan 17. august 2026 ella eftir nærri avtalu. Hitt starvið er eitt tíðaravmarkað starv frá 17. august 2026 til 31. juli 2027 við møguleika fyri leingjan.
Starvið
Vit bjóða eitt fakliga spennandi arbeiðsumhvørvi við møguleika fyri at vera við til at menna sjúkrarøktarfrøðiútbúgvingina í Føroyum í tøttum samstarvi við kliniska økið.
Starvið sum námslektari fevnir um:
- Undirvísing í sjúkrarøktarfrøði
- Vegleiðing og próvtøkur í sambandi við uppgávuskriving og verkætlanir
- Ástøðiliga vegleiðing og próvtøkur hjá lesandi í kliniskari starvsvenjing
- At skipa og menna undirvísingina í sjúkrarøktarfrøði
Arbeitt verður í tøttum samstarvi við útbúgvingarleiðarar, undirvísarar, starvsfólk á DHS og aðrar samstarvspartar, m.a. á kliniska økinum.
Førleikar
Umsøkjarar skulu vera sjúkrarøktarfrøðingar við í minsta lagi trý ára royndum í kliniskari sjúkrarøkt og hava viðkomandi hægri útbúgving á masterstigi (120 ECTS).
Vit vænta harumframt, at tú:
- Dugir at samskifta á føroyskum, skandinaviskum og enskum máli
- Hevur kunnleika um útbúgvingina í sjúkrarøktarfrøði á DHS (fyrimunur)
- Hevur royndir við undirvísing
- Hevur granskingarroyndir og innlit í granskingargrundreglur
- Hevur góð samstarvsevni
Starvið sum námslektari er fulltíðar undirvísingarstarv.
Námslektarin skal hava góðan fakligan, vísindaligan og námsfrøðiligan førleika. Kliniskar royndir og innlit í kliniska økið eru ein fyrimunur.
Námslektarar hava vanliga ikki granskingarskyldu, men kunnu fáa tillutað granskingartíð frá dekaninum. Granskingarroyndir og innlit í granskingargrundreglur eru tó av týdningi.
Setanartreytir
Starvið verður sett í samsvari við reglugerð fyri størv á Fróðskaparsetri Føroya.
Les reglugerðina her:
Reglugerð fyri størv á Fróðskaparsetri Føroya
Løn og starvstreytir eru sambært sáttmála millum Landsstýrið og avvarðandi fakfelag.
Umsókn
Við umsóknini skulu sendast:
- Lívsrensl
- Avrit av próvskjølum
- Yvirlit yvir útbúgvingargongd
- Yvirlit yvir starvsroyndir
- Upplýsingar um undirvísingarroyndir
- Upplýsingar um granskingarroyndir
Umsóknarfreistin er 15. juni 2026.
Søk starvið her:
https://setur.totalview.cloud/recruitment/Application/Index/138
Meira kunning
May-Britt Skoradal, varadekani
Tlf. 292253
maybritts@setur.fo
Magna Mohr, dekani
Tlf. 292270
magnim@setur.fo
Um deildina
Á Deildini fyri heilsu- og sjúkrarøktarvísindi verður undirvíst og granskað í sjúkrarøktarfrøði og heilsuvísindum í breiðari merking.
Deildin skipar eisini fyri skeiðum á bachelor-, master- og ph.d.-stigi.
Endamálið við útbúgvingini í sjúkrarøktarfrøði er at geva teimum lesandi førleika at virka sjálvstøðugt sum sjúkrarøktarfrøðingar og vera við í tvørfakligum samstarvi.
Bachelorútbúgvingin fevnir um bæði ástøðiliga undirvísing á deildini og kliniska undirvísing á ymiskum økjum innan heilsu-, almanna- og kommunugeirarnar.
Um Fróðskaparsetur Føroya
Fróðskaparsetur Føroya er føroyska universitetið og virkar sum vísindaligur granskingar- og útbúgvingardepil.
Setrið bjóðar undirvísing og gransking á altjóða stigi og arbeiðir fyri burðardyggari samfelagsmenning og nýskapan í Føroyum.
Á Fróðskaparsetrinum eru 25 útbúgvingar, umleið 1.000 lesandi og 180 starvsfólk.
Les meira um Setrið her:
https://www.setur.fo
