Lýsing
Hug til at hava ein spennandi gerandisdag við fleiri bóltum í luftini ?
Dámar tær væl at práta við kundar, arbeiða sjálvsstøðugt og í toymi? So vilja vit fegin hoyra frá tær, tí vit leita eftir einum smílandi og fyrikomandi sølufólki, sum dugir at taka ábyrgd.
Um starvið:
Vit eru eitt gott toymi, og ynskja at tú gerst ein partur av okkum. Vit koma at taka væl ímóti tær og læra teg upp. Arbeiðið er sera fjølbroytt, og tú fært ein kundabólk, sum tú hevur ábyrgd av at røkja.
Tínar uppgávur eru :
- Kundavitjan
- Kundasamskifti
- Avgreiða tilboð
- Søla og tænasta
Vit vænta av tær:
- Lærufús/ur og framburðssinnað/ur
- Áhugað/ur í sølu og kundatænastu
- Kann arbeiða sjálvstøðugt líka væl sum saman við øðrum
- Tú dugir at samskifta í skrift og talu
- Tú hevur telduførleika
Arbeiðsstaðurin er á Hjalla 14, Hoyvík. Talan er um fulla tíð.
Vilt tú vita meira ?
Hevur tú spurningar til starvið, so kanst tú seta teg í samband við Thomas B. Thomsen, søluleiðara á tlf. +298 210010.
Umsókn við lívsrensli (CV) og viðkomandi skjølum kann sendast til tbt@kemilux.com innan fríggjadagin 19. Apríl 2024. Finna vit ein skikkaðan umsøkjara áðrenn, so verður hann settur beinanvegin.
Allar umsóknir verða viðgjørdar í trúnaði.
Um Kemilux
Kemilux er ein lokal fyritøka við kundum um allan heim, og er skrásett hjá ACHILLES og er ISO 9001:2015 góðkend.
Felagið hevur røtur heilt aftur til 1965, og hevur verið virkin partur í føroyska húsarhaldinum og føroysku vinnuni, líka síðan. Reingerðarvørurnar eru kendar í Føroyum og úti í heimi, og fyritøkan arbeiðir støðugt við at menna vørur og tænastur, sum skara framúr í góðsku og nýtslu. Kemilux selur eisini reingerðarútgerð, trygdarútgerð og arbeiðsklæðir. Á Kemilux starvast um 30 fólk, og felagið húsast í tveimum stórum bygningum í Havn.