Lýsing
Um starvið
Talan er um eitt farloyvisstarv á 25 tímar um vikuna at seta frá 15. august 2026 til 31. juli 2027. Arbeitt verður í skiftandi vaktum í dag/kvøld tímum og 4. hvørt vikuskifti. Starvsstaðurin er í Klaksvík.
Arbeiðsuppgávur
Í búfelagsskapinum búgva 8 fólk við menningartarni. Hvør einstakur hevur egna íbúð, har endamálið er, at hvør einstakur kann liva eitt gott og virkið lív í tryggum heimi. Umframt egna íbúð er ein felagsíbúð.
Í búfelagsskapinum arbeiða vit við at menna og viðlíkahalda førleikar hjá búfólkunum, eitt nú at halda egna íbúð, vegleiða í eginumsiting av fíggjarstøðu, heilsustøðu og sosialt.
Arbeitt verður við støði í m.a. KRAP og virkisætlanum. Vit brúka ymisk skema sum amboð til at skipa gerandisdagin hjá búfólkunum.
Arbeiðsuppgávurnar eru fjøltáttaðar, og tí er týdningarmikið, at tú megnar at arbeiða sjálvstøðugt og vera við í tvørfakligum samstarvi við annað arbeiðspláss.
