Lýsing
Arbeiðs- og brunaeftirlitið sóknast eftir einum jaligum, ágrýtnum og fakliga dugnaligum maskinmeistara til farloyvisstarv sum tekniskt eftirlitsfólk á deildini fyri tekniska trygd komandi árið.
Um starvið
Sum eftirlitsfólk á Arbeiðs- og brunaeftirlitinum gert tú bæði eftirlit á tekniska økinum, umframt at tú ert partur av innanhýsis serfrøðini og málsavgreiðsluni á stovninum.
Talan er um eitt starv, har tú fært ein týðandi leiklut í at byggja upp førleikarnar hjá stovninum og harvið geva títt íkast til at betra um trygdina í føroyska samfelagnum.
Við starvinum fært tú góðar møguleikar fyri fakligari menning.
Arbeiðsuppgávur
Arbeiðsuppgávurnar eru í stóran mun tengdar at hvørjar førleikar tann setti hevur. Í høvuðsheitum fevna uppgávurnar tó um:
- at hava myndugleikaeftirlit á økjum, har sum stovnurin hevur eftirlitsskyldu
- at luttaka í málsviðgerð á stovninum
- at luttaka í kanningararbeiði
- at luttaka í arbeiðinum at menna lógargrundarlag, vegleiðingar og kunning á virkisøkjunum hjá stovninum
- at luttaka í tvørgangandi innanhýsis verkætlanum
- at avgreiða og luttaka í øðrum neyðugum uppgávum á stovninum
- Útbúgving, førleikakrøv og persónligir eginleikar
- Tú skalt hava útbúgving sum maskinmeistari.
Í starvinum er neyðugt at tú:
- ert væl fyri fakliga og hevur ágrýtni til at seta teg inn í lóggávu, standardir og onnur fakøkir á stovninum
- Dugir væl at samskifta á føroyskum í skrift og talu og kanst gera teg skilliga/-n á norðurlendskum og enskum máli
- dugir at arbeiða sjálvstøðugt og í toymi
- dugir at arbeiða miðvíst
ert røkin - dugir at nýta vanliga KT
- hevur koyrikort til persónbil
Vit vænta harumframt, at tú hevur eitt jaligt lyndi og kann gerast ein stuðlandi starvsfelagi hjá hinum starvsfólkunum á stovninum. Vit leggja stóran dent á, at tú sjálv/-ur viðvirkar til eitt gott arbeiðsumhvørvi á stovninum.
Lønar- og setanartreytir
Talan er um farloyvisstar starv, ið verður sett sambært sáttmála millum Fíggjarmálaráðið og Føroya Maskinmeistarafelag.
Umsókn
Umsóknir til starvið við avriti av prógvum og viðmælum skulu sendast til Arbeiðs- og brunaeftirlitið, undir Bryggjubakka 27, FO-110 Tórshavn, ella til umsokn@arb.fo
Umsóknarfreistin er mikudagin hin. 22. juni 2023.
Meira kunning um starvið fæst við at venda sær til Tummas Paula Juul, deildarleiðara, á telefon 23 64 42 ella við telduposti á tpj@arb.fo
Arbeiðs- og brunaeftirlitið er eftirlits- og vitanarstovnur undir Umhvørvis- og vinnumálaráðnum. Stovnurin er føroyski myndugleikin innan arbeiðsumhvørvi, brunatrygd, mát og vekt, spreingievni, vinnukaving og fýrverk.
Høvuðsuppgávurnar hjá Arbeiðs- og brunaeftirlitinum eru støðugt at betra trygdina og vitanarstøðið á økjunum, sum stovnurin umsitur. Hesum málum røkkur stovnurin við dygdargóðari umsiting, fakligari leiðbeining, málrættaðum eftirlitum og gransking av óynsktum hendingum.