Lýsing
Ynskir tú eitt arbeiðspláss við hópin av mennandi, gevandi og kveikjandi upplivingum og at gerast partur av einum góðum starvsfólkatoymi, har trivnaður og menning er í hásæti? So er møguleikin her. Vit søkja eftir einum varaleiðara og tveimum námsfrøðingum at starvast á Miðstovninum í Kongagøtu.
Vit søkja eftir varaleiðara at arbeiða 40 tímar um vikuna frá 15. mai 2024 ella eftir nærri avtalu. Tú kemur at starvast sum námsfrøðingur á stovu, 25-35 tímar um vikuna og harumframt at røkja varaleiðaraarbeiði saman við leiðaranum.
Hvat vænta vit av tær?
Vit vænta, at tú megnar at skapa eitt mennandi, trygt og fjølbroytt virksemi á stovninum saman við okkum. Tú mást vera initiativrík/ur, sjálvstøðug/-ur, álítandi og hava gott yvirlit. Tú hevur góð samstarvs- og samskiftisevni og megnar sostatt at virka fyri góðum samstarvi við børn, starvsfelagar, samstarvspartar og leiðara. Tú hevur dirvi til og ert áhugað/-ur í leiðsluuppgávum.
Undir ábyrgd og í samstarvi við stovnsleiðaran tekur tú lut í fyrisitingarligu og námsfrøðiligu skipanini av virkseminum á stovninum. Tú ert fús/ur at taka á teg uppgávur í samstarvi við stovnsleiðaran.
Leinkja til starvslýsingina á okkara heimasíðu
