Lýsing
Á dagstovnaøkinum i Vestmanna hava vit heimsins bestu starvsfelagar, har tað er høgt til lofta og vítt til veggja.
Vestmanna Kommuna søkir eftir varaleiðara til okkara serstaka stovnsøkið at arbeiða 35-40 tímar um vikuna i føstum starvi, at byrja 1. februar 2023, ella skjótast gjørligt aftaná.
- Hevur tú hug at vera partur av leiðsluni, har áhugi, nærvera, gleði og yrkisførleiki verða høgt raðfest?
- Vilt tú vera við til at seta kós og skapa eina mentan, har tað framhaldandi er brúk fyri at menna áhugavert spæli- og læringsumhvørvi
Sum varaleiðari hevur tú 5-10 fastar tímar um vikuna til fyrisitingarligt arbeiði, restina av tíðini ert tú partur av starvsfólkahópinum í arbeiðinum við okkara virðismiklu børnum.
Varaleiðarin traðkar til í leiðarans stað, tá leiðarin er burturstaddur.
Um okkum:
Dagstovnaøkið í Vestmanna er í trimum deildum:
Gjáarlon liggur ovarlaga í Vestmanna, í náttúruvøkum umhvørvi við stutt til haga, fjøru og viðarlund. Her hava 86 børn sína dagligu gongd. Í Gjáarlon eru 5 stovur, 2 vøggustovur (Fossurin og Hylurin) og 3 barnagarðsstovur (Veitin, Áin og Keldan). Í løtuni arbeiða 25 eldhugaðir starvsfelagar í Gjáarlon, ið allir koma við sínum íkasti til gott sálarligt arbeiðsumhvørvi.
Beint omanfyri liggur Látipípan, her hava 25 tey elstu barnsgarðsbørnini sína dagligu gongd, saman við 5 eldhugaðum starvsfeløgum. Í Látipípuni eru tey nógv úti, nógvar túrar út av húsinum, til dømis til fimleikahøll og svimjihøll.
Aftaná páskafrítíðina fara børnini at flyta oman í frítíðarstovuna.
Frítíðarstovan liggur í egnum hølum undir læknamiðstøðini. Í løtuni arbeiða 7 eldhugaðir starvsfelagar í frítíðarstovuni, sum allir koma við sínum íkasti til gott sálarligt arbeiðsumhvørvi.
Í frítíðarstovuni ganga 51 børn úr 1., 2. og 3. flokki. Til hvønn árgang eru knýttir ábyrgdarpersónar.
Á dagstovnaøkinum í Vestmanna arbeiða vit út frá førleikunum hjá tí einstaka og geva rúm til skapandi og likamliga hugsavning. Vit leggja dent á gott foreldra-samstarv, og at børnini verða møtt av álítandi, viðurkennandi og hjartagóðum vaksnum, sum geva teimum neyðugu sálarligu og kropsligu avbjóðingarnar.
Fyri okkum er tað altavgerandi, at børnini kenna seg sum tey týdningarmestu í verðini. Vit hava góðar innan- og uttandura hentleikar, eitt nú atgongd til fimleikahøll, ítróttarhøll og svimjihøll, og vit eru nógv útí í náttúruni.
Í mars 2022 fóru vit i hólt við at gerast eitt góðkent ítróttardagstovnaøki sambært DIF (Danmarks Idrætsforbund) og VIA University College í Århus, ein góðkenning, har faklig menning innan ítróttarnámsfrøði er í miðdeplinum, og høvuðstættirnir eru ítróttur, spæl og rørsla. og verða vit liðug á vári 2023.
Arbeiðstíðirnar eru mánadag til fríggjadag millum 6.45 og 17.15.
Vit vænta:
At tú eins og vit ert álítandi, ágrýtin, kreativ/ur, fyrikomandi og kanst arbeiða í tøttum samstarvi við starvsfelagar, børn og foreldur. Tú hevur ein hollan fakligan kunnleika, sum tú nýtir saman við børnunum og tínum starvsfeløgum.
Eisini vænta vit, at tú:
- Hevur áhugað fyri leiðslu.
- Ert trúgv/ur samstarvspartnari við leiðaran.
- Ert sjálvstøðug/ur, hevur gott yvirlit og kanst taka avgerðir.
- Ert íverksetandi og hevur hug og evni at vera við til at menna námsfrøðiliga arbeiðið á stovninum.
- Hevur góð samstarvs- og samskiftisevni og megnar at virka fyri einum góðum arbeiðsumhvørvi.
- Hevur góðar telduførleikar.
- Ert smidlig/ur í mun til arbeiðsuppgávur og møguligum broytingum í starvinum.
- Kanst taka tær av umsitingarligum uppgávum eftir avtalu við leiðaran.
- Leggur dent á arbeiði við sosialum førleikum og sambondum.
- Dámar at arbeiða við børnum, og dámar tað góða spælið og rørslu.
- Gongur á odda og ert ein fyrimynd fyri starvsfelagar og børnini í arbeiðnum við pedagogiskum ítrótti.
- Kanst fyrireika, fara undir og eftirmeta verkætlanir/aktivitetir við børnunum.
- Tú sært møguleikar, ert nýhugsandi og hevur ein jaligan hugburð.
Ítøkiligar fyrisitingarligar uppgávur:
- Umsita arbeiðstímarnar hjá starvsfólkunum umvegis Nema tíð, tó uttan at leggja arbeiðsætlan.
- Umsita Intra skipanina og standa fyri upplæring av starvsfólki.
Tað er ein fyrimunur, at tú:
- Dámar at arbeiða við útilívi og náttúruni
- Hevur royndir við pedagogiskum ítrótti
Setanarviðurskifti:
Starvið verður sett sambært sáttmála millum Føroya Pedagogfelag og Kommunala Arbeiðsgevarafelagið.
Sambært §2 í barnaváttanarlógini hevur Vestmanna kommuna skyldu til at fáa barnaváttan til vega, áðrenn umsøkjari verður settur í starv.
Meira fæst at vita:
Meira fæst at vita um starvið við at venda sær til Morten Hust Petersen, stovnsleiðara, á telefon 770 130 ella teldupost morten@vestmanna.fo
Umsókn:
Umsókn, saman við lívsrensli og viðkomandi prógvum, verður at senda til starv@vestmanna.fo
Umsóknarfreistin er mikudagin 18. januar 2023, kl. 12.00
