Lýsing
Brennir tú fyri demensøkinum, og fyri at skapa góð og virðilig kor fyri tey, ið eru rakt av demens og familjum teirra, so hevur tú møguleikan at gerast eitt av okkara starvsfólkum.
Søkt verður eftir sjúkrarøktarfrøðingi ella heilsurøktara at byrja 01. mars. 2026 ella eftir nærri avtalu.
Talan er um 0,7 starvsbrøk – svarandi til 28 tímar um vikuna. Arbeiðstíðin er frá kl 8.30-15.30, mánadag til og við hósdag, umframt 4 vikuskiftir um árið.
Skálastova er ein partur av Demenstænastuni hjá Roðanum, og heldur til á Skála. Skálastova hevur í løtuni 16 borgarar, ið koma ymiskar dagar um vikuna.
Endamálið við tilboðnum er, at stuðla heimabúgvandi, ið hava demens, til ein virðiligan, aktivan og innihaldsríkan gerandisdag, í góðum felagsskapi, so hesi kunnu búgva heima longst møguligt. Arbeitt verður eftir ástøðinum hjá Tom Kitwood, ið snýr seg um, at persónurin við demens, er í miðdeplinum (persóncentrerað røkt og umsorgan). Allur matur verður gjørdur í húsinum, har miðja verður eftir at hava húsfólkini við í allari matgerð.
Fyri at varðveita førleikar hjá húsfólkunum sum longst, er umráðandi, at tey eru virkin í dagligdegnum. Tí leggja vit dent á dagliga rørslu/venjing og ymiskar aktivitetir, ið stimbra heilavirksemi. Tí hevur tað týdning, at tann ið settur verður er fúsur til at seta aktivitetir í gongd. Sum dømi kann nevnast baking, innkeyp, ymisk spøl, fimleikur, túrar, upplestur, sangløtur v.m.
Somuleiðis er nógv annað virksemi í húsinum, so sum avvarðandibólkar, avvarðandisamrøður, undirvísing, næmingar og lesandi, samstarv við landsdemenssamskipara v.m
Í Roðanum arbeiða vit miðvíst við at Nes,- Sjóvar,- og Runavíkar kommuna verða demensvinarligar. Tænastan byggir á, at demensraktir borgarar, og teirra familjur, fáa eina dygdargóða og demensvinarliga røkt og umsorgan. – Fyri at røkka hesum málið, nýta vit kontaktpersónskipan. Tann ið settur verður, verður kontaktpersónur hjá fleiri borgarum við demenssjúku, ið eru knýtt at Skálastovu, umframt teirra familjum. Tí inniheldur arbeiði nógv samskifti og relatiónsarbeiði. Harumframt liggur sum ein nátúrligur partur í arbeiðnum at gera heimavitjanir, avvarðandisamrøður, lívssøgur (saman við familjunum), støðulýsingar v.m
Fyri at avlasta familjurnar skipar Roðin fyri vikuskiftis umlætting í Skálastovu fýra ferðir um árið.
Førleikakrøv
- Prógv og góðkenning sum sjúkrarøktarfrøðingur
- Prógv og góðkenning sum heilsurøktari
- KT-førleika á brúkarastøði
- Um tú hevur kunnleika til Cosmic, kann tað vera ein fyrimunur
- Útbúgving, sum demenssamskipari, kann vera ein fyrimunur
Vit vænta at tú:
- Hevur áhuga og hegni at vera um menniskju, ið eru rakt av demenssjúku
- Hevur áhuga og hegni at arbeiða sum kontaktpersónur
- ert rúmlig/ur, tolin, blíð/ur, positiv/ur, kreativ/ur, og tola at tingini ikki altíð ganga sum ætlað
- Hevur gott eyga fyri førleikum hjá hvørjum einkultum borgara og duga at brúka hesar í arbeiðinum
- Megnar at samskifta á ein virðiligan hátt, bæði við tann demensrakta, avvarðandi og starvsfelagar
- Ert ábyrgdarfull/ur, arbeiðssom/samur og nærløgd/lagdur, bæði tá ið talan er um praktiskar uppgávur, ið skulu loysast, umframt at seta tíð av til skjalfestan og annað skrivligt arbeiði.
- Hevur áhuga og evni til tvørfakligt samstarv. Arbeiðtt verður í tøttum samstarvi við starvsfelagar á Skálastovu, umframt aðrar fakbólkar í Roðanum og uttanfyri Roðan
- Ert sjálvstøðug/ur, t.v.s. megnar at tilrættaleggja arbeiðsdagin saman við starvsfeløgum, og taka ábyrgd av sínum arbeiðsøki
- Rúma ávísum “flowi” ið er í Skálastovu.
- Hevur áhuga í at ráðgeva starvsfólki, avvarðandi og øðrum í mun til demens
Vit kunnu bjóða tær
- Fakligar avbjóðingar í samstarvi við dugnaligar starvsfelagar
- Saman við starvsfeløgum og leiðslu, at vera við til, at seta dám á, og menna demenstænastuna hjá Roðanum enn meira
- Góðar og mennandi arbeiðsumstøður
- Góðar møguleikar fyri fakligari menning
Meira fæst at vita:
Meira fæst vita um starvið við at venda sær til Anitu á Lava Olsen, deildarleiðara á tlf. 290217 ella við telduposti til anitaalavao@rodin.fo
Meira vitan um demens
Heimsíður: www.alzheimer.fo og www.videncenterfordemens.dk
Løn-og setanartreytir
Setanarstaðurin er Roðin.
Løn og setanarviðurskifti eru sambært avvarðandi sáttmála og KAF/Fíggjarmálaráðið.
Umsókn
Umsókn saman við prógvum, CV og møguligum viðmælum verða at senda við telduposti til rodin@rodin.fo í seinasta lagi 10.02.26. Vinarliga viðmerk umsóknina “starvsfólk til Skálastovu“
