Lýsing
Sum lærlingur hjá Advokatskrivstovuni fært tú eina skrivstovuútbúgving við sergrein sum advokatskrivari. Tú verður partur av virkseminum hjá Advokatskrivstovuni og í lærutíðini fert tú at arbeiða í tøttum samstarvi við advokatar og skrivarar hjá Advokatskrivstovuni.
Tú fært eina skrivstovuútbúgving, sum er ætlað starvinum sum advokatskrivari. Tú fert at arbeiða við at skriva brøv, gera skjøl í sambandi við fyrireiking av rættarmálum, arbeiða við innheinting av skuld umframt við øðrum uppgávum, sum eru vanligar á einari advokatskrivstovu.
Talan er um eitt ábyrgdarfult starv, sum krevur, at tú kanst arbeiða sjálvstøðugt. Tú skalt eisini vera áhugað/ur í at arbeiða í samstarvi við okkum hjá Advokatskrivstovuni fyri at veita okkara viðskiftafólki eina góða tænastu.
Útbúgvingin er skipað við lærutíð á skrivstovuni og skúlagond á advokatskrivaraskúla í Danmark.
Tað er eitt ynski, at tú hevur miðnámsútbúgving. Tað er eitt krav, at tú dugir væl at skriva føroyskt og danskt og ein fyrimunur, um tú ert stinn/stinnur í at skriva enskt eisini.
Ætlanin er at seta starvið skjótast gjørligt.
Áhugað kunnu senda eina umsókn við prógvum og møguligum viðmælum í seinasta lagi 20. november 2023.
Umsóknir kunnu sendast til jura@jura.fo. Um tit hava spurningar til starvið, kunnu tit venda tykkum til Helgu á Borg, adv. á tlf. 211810 ella Kristoffur Kristoffersen, adv. ft. á tlf. 210908.
Leinki til starvslýsing:
Advokatskrivstovan
Frúutrøð 4
Postboks 6
110 Tórshavn