Lýsing
Søkt verður tveimum føðsluatstøðingum ella fólki við royndum innan matgerð til køkin í høvuðssætinum hjá Almannaverkinum.
Um størvini
Fremsta uppgávan hjá køkinum er at skapa trivnað millum okkara starvsfólk, so Almannaverkið er millum bestu arbeiðspláss í landinum. Køkurin ger døgurða hvønn dag og hjúklar á annan hátt um starvsfólkini við bæði søtum og sunnum.
Talan er um tvey føst størv at seta skjótast gjørligt. Annað er 30 tímar um vikuna, og hitt er 35 tímar um vikuna. Arbeiðsstaðurin er í høvuðssætinum hjá Almannaverkinum á Staravegi 18 í Havn.
Arbeiðstíðin er fyri tað mesta um morgunin, tó at longri dagar kunnu vera alt eftir arbeiðstrýstinum. Av tí sama er møguligt at hava frídagar, tá ið minni er at gera.
Umleið 140 starvsfólk arbeiða í høvuðssætinum, og køkurin er mannaður við trimum fólkum: einum føðsluatstøðingi, sum leiðir køkin, og tveimum øðrum køksfólkum.
Sí lýsing her
