Lýsing
Kappingareftirlitið søkir eftir einum løgfrøðingi at byrja skjótast til ber.
Kappingareftirlitið umsitur kappingarlógina og arbeiðir fyri virknari kapping til gagns fyri bæði fyritøkur og brúkarar. Fyrisitingarliga er Kappingareftirlitið skipað saman við Vinnustovninum.
Starvið
Starvið fevnir í høvuðsheitum um:
- Málsviðgerð í málum um møgulig brot á kappingarlógina
- Málsviðgerð í samband við samanleggingar
- Málsviðgerð í málum um almenna kappingaravlaging ella kappingaravlagandi almennan stuðul
- Luttøku í norðurlendskum arbeiðsbólkum innan kappingarrætt
- Lógarsmíð
- Skriva vegleiðingar og líknandi tilfar
Førleikar
Vit vænta, at tú hevur eina 5 ára útbúgving í løgfrøði, til dømis embætisprógv í løgfrøði frá lærdum háskúla.
Harumframt vænta vit, at tú:
- Hevur góð samstarvsevni
- Tekur ábyrgd
- Er røkin og skipað/-ur
- Dugir at arbeiða sjálvstøðugt
At arbeiða á Kappingareftirlitinum
Á Kappingareftirlitinum verður dentur lagdur á høgt fakligt støði. Tí eggja og stuðla vit starvsfólkum okkara at menna sínar førleikar.
Tann setti fær góðar skeiðs- og eftirútbúgvingarmøguleikar og fer at luttaka í samstarvinum millum norðurlendsku kappingarmyndugleikarnar.
Løgfrøðiligu uppgávurnar krevja hollan kunnleika til kappingarrætt, fyrisitingarrætt og revsirætt. Tolsemi og dirvi eru týðandi eginleikar, tí málini ofta ganga yvir fleiri ár og verða roynd á fleiri rættarstigum.
Sum starvsfólk á Kappingareftirlitinum verður tú eitt av 4 starvsfólkum. Harafturat verður tú partur av starvsfólkahópinum hjá Vinnustovninum, sum telur umleið 40 fólk.
Setanartreytir
Setanartreytir verða eftir galdandi sáttmála við BLF ella annað avvarðandi fakfelag.
Umsókn
Umsókn, lívsrensl og prógv skulu sendast til:
Umsóknarfreist: 15. juli 2026
Fleiri upplýsingar
Ynskir tú at vita meira um starvið, ert tú vælkomin at seta teg í samband við:
- Terje Sigurðsson, deildarstjóri – tlf. 556041 – terjes@kapping.fo
- Sigurd Rasmussen, fulltrúi – tlf. 556044 – sigurdr@kapping.fo
