Lýsing
Tekniska deild á Landssjúkrahúsinum søkir eftir einum arbeiðssomum og vælskipaðum maskinmeistara, sum eisini er varaleiðari og tekur lut í dagligu leiðsluni á deildini.
Sum varaleiðari fert tú somuleiðis at vera virkin partur av arbeiðsøkinum á deildini, og tú vísir til deildarleiðaran á Teknisku deild.
Tekniska økið á Landssjúkrahúsinum er seinastu árini ment nógv, so talan er um eitt áhugavert og fjølbroytt starv. Vilt tú tryggja, viðlíkahalda og hava ábyrgdina av tøkniligum útbúnaði, somuleiðis sum tú hevur fakligan førleika og áhuga fyri økinum, so ert tú kanska tann, sum vit leita eftir.
Um starvið
Arbeiðsøkið hjá Teknisku deild er at tryggja dagliga raksturin og hava viðlíkahaldið av øllum bygningum, bygningslutum og tekniskum innleggingum, íroknað tøkniligan útbúnað og øðrum útbúnaði á Landssjúkrahúsinum.
