Lýsing
Námsfrøðingur til Ljósástovu
Okkum tørvar ein námsfrøðing í tíðaravmarkað starv í Ljósástovu skúlaárið 2026/27.
Starvsbrotið er 0,85.
Frágreiðing um skúlatilboðið Ljósástova
Skúlatilboðið hoyrir undir serflokkaskipanina og er eitt samstarv millum Sernám og Skúlan á Argjahamri.
Ljósástova er eitt undirvísingartilboð, har næmingar fáa serundirvísing, sernámsfrøðilig átøk og sernámsfrøðiligan stuðul.
Tilboðið er ætlað næmingum í fólkaskúlanum, sum ikki fáa eitt nøktandi skúlatilboð í vanligu fólkaskúlaskipanini.
Førleikakrøv
Okkum tørvar ein útbúnan námsfrøðing.
Tað er ein fyrimunur, um umsøkjarar hava arbeiðsroyndir á serøkinum.
Okkum tørvar ein námsfrøðing, sum:
- Er fyrikomandi og jaligur
- Hevur breitt menniskjasýni
- Hevur áræði at taka ábyrgd
- Dugir væl at samstarva í toymum
- Dámar avbjóðingar og hugsar kreativt
Lønar- og setanartreytir
Setanarstaðurin er Skúlin á Argjahamri.
Námsfrøðiligu tímarnir verða løntir sambært sáttmálanum millum Fíggjarmálaráðið og Føroya Pedagogfelag.
Barnaváttan verður kravd í sambandi við setanina.
Umsóknir
Umsóknir við avritum av prógvum, ferilslýsing/CV og møguligum ummælum skulu vera skúlanum í hendi í seinasta lagi:
Fríggjadagin 5. juni kl. 13.00
Fleiri upplýsingar fáast við at seta seg í samband við:
Marin Sigvaldsdóttir Bláberg, skúlastjóri
Telefon: 224240
Teldupostur:
marin.sigvaldsdottir@skulin.fo
Ljósástova
Áin og vatnið sunnanfyri Skúlan á Argjahamri eita Ljósá. Staðið verður nógv vitjað av skúlanum. Navnið umboðar ljósið, hesi børnini eru, og tað ljós, ið verður veitt teimum í Ljósástovu.
