Almannaverkið
Lýsing
Um størvini
Okkum manglar nú tveir sosialráðgevarar til dugnaliga starvsfólkahópin vit hava á deildini. Talan er um eitt fast starv fulla tíð og eitt farloyvisstarv 35 tímar um vikuna. Um annað tímatal ynskist, kann hetta tó avtalast nærri. Ynskiligt er, at tú kanst byrja sum skjótast. Farloyvisstarvið er til 28.02.2025.
Vit ímynda okkum, at arbeiðsstaðurin er í Havn, men Viðskiftadepilin hevur skrivstovur bæði á Tvøroyri, í Klaksvík og í Runavík, so hetta kunnu vit tosa nærri um. Arbeitt verður gerandisdagar í dagtímunum.
