Stovnsleiðarar til Heilsu- og umsorganartænastuna – longd umsóknarfreist

Hevur tú sterkan leiðsluførleika, hug at ganga á odda og kann virka í samansettum støðum.

Hevur tú gott yvirblikk, dugir at hugsa strategiskt og at arbeiða skipað fyri at røkka settum málum?

Ert tú ein góður liðleikari, sær styrkirnar hjá tí einstaka og dugir at fáa øll í spæl?

Dugir tú at fáa gerandisdagin at ganga upp og at fáa endarnar at røkka saman?

Hevur tú ein sterkan fakligan profil innan heilsu- og umsorganarøkið?

Um tú kennir teg aftur í hesum, so er tað júst tú, sum eigur at senda okkum eina umsókn. Og hvør veit, kanska verður tað tú, sum 1. september 2026 byrjar í einum spennandi, mennandi, avbjóðandi og gevandi starvi sum stovnsleiðari í Heilsu- og umsorganartænastuni í Tórshavnar kommunu.

Leinkja til starvslýsingina á okkara heimasíðu

Leinkja til umsóknarskema