Lýsing
Býarbókasavnið søkir avloysara fyri bókavørð í farloyvi. Talan er um eitt tíðaravmarkað starv fram til 1. januar 2025 og verður sett skjótast til ber.
Sum bókavørður á Býarbókasavninum kunnu vit bjóða tær eitt áhugavert og fjøltáttað starv á einum livandi, nútímans bókasavni mitt í hjartanum í Havnini.
Starvið sum bókavørður krevur fakligar førleikar at røkja bókavarðauppgávur, sum eitt nú savnsrøkt, miðlan og vaktir í útláninum og á barnabókasavninum.
Umráðandi er, at tú ert kreativ/-ur, sjálvstøðug/-ur og fleksibul og at tú hevur serligt hegni innan miðlan og kann hugsa sjálvstøðugt og taka sjálvstøðugar avgerðir.
Tú verður partur av einum kreativum toymi, ið fæst við átøk og menning av nýggjum hugskotum innan miðlan av tilfari og tilboðum bókasavnsins, sum skal vekja áhuga fyri bókmentum, upplýsing og mentan.
Tann, ið settur verður, hevur um hendi dagføring og viðlíkahald av heimasíðu og framleiðslu av miðlatilfari.
Arbeitt verður í vaktum, og fevnir arbeiðið eisini um kvøldarbeiði, umframt ávísar leygar- og sunnudagar.
