Lýsing
Klaksvíkar kommuna søkir eftir tveimum røskum byggi- ella húsasmiðum til Vegadeildina at byrja 1. august ella eftir nærri avtalu.
Á Vegadeildini eru uppgávurnar fjølbroyttar og fevna í høvuðsheitum um viðlíkahald av vegum og gongubreytum, fríðkanararbeiði runt um í kommununi, kaðalgrevstur og aðrar fyrifallandi uppgávur.Starvsfólkini koma í mestan mun at fáast við betong og timburarbeiði í samband við umvælingar av gongubreytum, kantsteinum, gørðum og øðrum fyrifallandi arbeiðsuppgávum.
Førleikakrøv
- Útbúgving sum byggi-, húsasmiður ella arbeiðsroyndir í kunnu sammetast.
- Vit ynskja, at tú hevur góð handalig evni og hevur hug at seta teg inn í nýggj arbeiðsøkir.
- Tú skalt duga at arbeiða sjálvstøðugt og lættliga kunna fara til verka við teimum fjølbroyttu uppgávunum á Vegadeildini.
- Tú skalt hava stóra koyrikorti.
- Sum persónur ert tú arbeiðssom/samur, ágrýtin og væl skipað/ur.
- Tú ert fyrikomandi og hevur lætt við at samstarva og síggja loysnir.
Setanarviðurskifti
Talan er um tvey tímalønt fulltíðarstarv, ið verður lønt eftir sáttmála millum KAF og Føroya Handverkarafelag, umframt eyka samsýning. Arbeiðstíðin er gerandisdagar ímillum kl. 08.00 og 17.00, tó kann í ávísum tíðarbilum verða nakað av arbeiði í vikuskiftum og um kvøldarnar.
Ljóðar hetta sum nakað fyri teg, ella ert tú áhugaður at hoyra meira um størvini kanst tú ringja ella skriva til Kristoffur Olsen, leiðara á Kloakk- og vegadeildini á tlf. 229088 ella kristoffuro@klaksvik.fo.
Umsókn við lívsgongdarlýsing (cv) og øðrum viðkomandi skjølum skal vera okkum í hendi seinast mánadagin 3. juli 2023.
Tú søkir starvið við at trýsta á leinkjuna her: Byggi- ella húsasmiðir til Vegadeildina
Um Klaksvíkar kommunu
Klaksvíkar kommuna fevnir umframt Klaksvík eisini um bygdirnar Ánir, Norðoyri, Árnafjørð, Svínoy, Syðradal, Húsar, Mikladal og Trøllanes. Sum starvsfólk hjá Klaksvíkar kommunu gerst tú partur av einum fjølbroyttum og framsøknum arbeiðsumhvørvi. Áleið 15 fólk eru knýtt at vegadeildini hjá Klaksvíkar kommunu.
