Lýsing
Fýra lærlingar – innan maskin, automatikk, logistikk og sølu
Vit leita eftir lærlingum innan hesi fak:
- Sølu
- Logistikk atstøðingur
- Automatikk
- Maskinsmiður
Sí meira um størvini her!
Hvat læri eg hjá Petur Larsen
Tá tú arbeiðir hjá okkum lærir tú eina rúgvu – um fakið og teg sjálva/n. Hetta er eitt óhátíðarligt arbeiðsumhvørvi, har tínir starvsfelagir eru niðri á jørðini – samstundis sum arbeiðið verður tikið í ramasta álvara. Og sjálvandi bjóða vit tær eftirlønar-, trygginar- og matarskipan.
Vit hava síðani 1971 veitt vørur og tænastur til fiskivinnuna í Føroyum og uttanlands. Seinastu fýra árini er menning, automatión og KT vorðin størri og størri partur av virkseminum hjá okkum.
Siðbundni parturin av Petur Larsen er ryggurin í fyritøkuni og fær framvegis fremstu raðfesting. Hinvegin hava vit eisini stórar ætlanir at gerast ein virkin leikari í nýmenning innan altjóða fiskivinnuna. Vit eru í gongd við menning av talgildum, kappingarførum flakamaskinum og nútímans umsitingarloysnum til altjóða flakamarknaðin.
Arbeiðsstaðurin er í Fuglafirði – og kring landið. Arbeiðsstaðurin kann eisini í ávísum førum eisini verða í útlandinum.
