Lýsing
Nánd søkir starvsfólk til dagligu leiðsluna av kostframleiðsluni í Nánd, har málið er at framleiða heilsugóðan mat til borgarar í Eysturkommunu og Fuglafjarðar kommunu, sum eru visiteraðir til tænastur frá Nánd. Køkurin er staðsettur á sambýlinum Vesturstovu í Fuglafirði.
Arbeiðið fatar um matframleiðslu til tey trý sambýlini í ávikavist Leirvík, Norðragøtu og Fuglafirði, dagtilhaldið í Doktarahúsinum, umframt døgurðar til heimabúgvandi borgarar.
Starvið sum køksleiðari er leyst at søkja, og talan er um eitt starv á starvsbrøki 1,0 og starvsbyrjan 1. august 2026 ella eftir avtalu. Køksleiðarin vísir til leiðaran á Vesturstovu. Arbeiðið er gerandisdagar mánadag til fríggjadag. Umleið helvtin av tíðini er í køkinum, meðan helvtin av tíðini er til leiðsluuppgávur.
Arbeiðsuppgávur
- Tú verður við til at menna nýggja framleiðslukøkin hjá Nánd, samansjóða køksstarvsfólkini og vegleiða køksfólk fakligt
- Tú skalt røkja dagligu leiðsluna og vera leiðari hjá køksstarvsfólkunum
- Arbeiðið fevnir m.a. um at leggja dagligu framleiðsluna til rættis, at tryggja rætta dygdargóða matgerð, mannagongdir, heilsugóðan og varierandi kost.
- Skipa fyri innkeypi og bílegging
- Tú sært tað sum eina dygd at brúka frískar rávørur í staðin fyri hálv- ella heilvirkaðar vørur, og tú skalt leggja dent á at avmarka matoysl
- Tú fært ábyrgd av at tryggja, at køkurin livir upp til galdandi krøv viðvíkjandi løggilding, innaneftirliti, reinføri og framleiðslu, og at kost- og føðslutilmælir verða fylgd
- Virka fyri menning, ráðgeving og vegleiðing í mun til máltíðir og serkost til borgaran
- Tú skalt kunna samskifta munnliga og skrivliga um mat og máltíðir til eldri borgarar 67+ og luttaka á fundum um kostframleiðlsu
- Tú ert tænastusinnað/ur og hevur góð tvørfaklig samstarvsevnir, har tú virkar fyri trivnaði millum starvsfólk í køkinum. Tú ert bindilið millum deildir, starvsfólk í køkinum, deildarleiðararnar og heilsustarvsfólk
- Saman við deildarleiðarunum virkar tú fyri góðum trivnaði og góðum arbeiðsumhvørvi
- Samskipa matartænastuna saman vid tørvsmetum
Førleikar, útbúgving og eginleikar
- Prógv sum føðsluatstøðingur ella líknandi kostfakliga útbúgving, professionsbachelor í føðslu og heilsu
- Møguligar arbeiðsroyndir frá stovnskøki og matgerð til eldri borgarar og sjúklingar
- Møguliga leiðsluroyndir og/ella útbúgving
- Vit vænta, at tú ert røkin og arbeiðssom/-samur og ert fleksibul í mun til at loysa skiftandi arbeiðsuppgávur
- Góð tvørfaklig samstarvsevni, bæði tá umræður starvsfólk, borgarar, deildir og samstarvspartar
- Góð samskiftisevni og góðan telduførleika
- Góðan førleika at miðla vitan, skrivliga eins væl og munnliga
Vit kunnu bjóða
- Ein fakliga spennandi og mennandi gerandisdag
- Møguleika at seta tín dám á nýggja køkin
- Felags innleiðslu í Nánd umframt upplæring á staðnum
- Dugnaligar og virknar starvsfelagar
- Starvsfólk hjá Nánd hava møguleika at venja ókeypis í venjingarhølunum á Miðstøðini í Leirvík ávísar tíðir.
Løn- og setanartreytir
Starvið verður sett sambært sáttmála millum Fíggjarmálaráðið / KAF og Kost- og Føðslufelag Føroya.
Meira fæst at vita um starvið við at venda sær til Elsebeth V. Simonsen, deildarleiðara Vesturstova, telefon 730232 ella teldupost elsebeth@eystur.fo
Umsókn
Umsókn saman við prógvi og upplýsingum um útbúgving og royndir verður at senda til Nánd á nand@eystur.fo ella við posti til Nánd, Oyran 2, 512 Norðragøta.
Umsóknarfreistin er 18.06.2026.
