Lýsing
Dveylan sóknast eftir leiðara til kvøldreingerðina í Tórshavn.
Hetta er fulltíðarstarv, har flestu uppgávurnar verða gjørdar um dagin í vanligari arbeiðstíð.
Stundum eru uppgávur um kvøldið, t.d. at læra nýtt starvsfólk upp. Umframt hetta ert tú at røkka á telefon um kvøldið, um okkurt er áfatt hjá starvsfólki ella viðskiftum (kundum). Hetta verður samsýnt.
Arbeiðstíðin er sera víkilig (da. fleksibel), so at tú kanst leggja nógv av arbeiðinum og uppgávunum soleiðis, at tað passar tær. Bara arbeiðið verður gjørt væl og rættstundis.
Dveylan leggur sær eina við góðsku og góða tænastu, og vóna vit, at hetta dregur teg og gevur tær íblástur og áræði at fremja hetta saman við okkum. Tú verður partur av einum stuðlandi og góðum arbeiðsumhvørvi.
At hava ábyrgdina av kvøldarbeiðunum ber við sær millum annað:
- At gera vaskiætlanir og bíleggingarlistar
- At seta vaskifólk
- At upplæra vaskifólk
- At vera kontaktpersónur hjá kvøldvaskifólki
- At vera kontaktpersónur hjá kvøldviðskiftum
- At hava regluligt eftirlit við kvøldarbeiðunum
Vit læra teg upp og hava skipanir og mannagongdir at fylgja, sum ger arbeiðið lættari.
Vit vænta, at tú:
- Dugir at vaska
- Ert ágrýtin í góðsku
- Ert ágrýtin at gera eitt gott arbeiði
- Dugir at arbeiða saman við fólki
- Dugir at arbeiða sjálvstøðugt
- Hevur gott yvirlit
- Hevur koyrikort
Tað er ein fyrimunur
- At vera roynd/ur í at vaska
- At hava hildið hús
Um okkum
Dveylan sp/f veitir privathúsum, virkjum og stovnum reingerðartænastur. Uppgávurnar fevna víða: frá løtt reingerð til upp- og niðurvask. Frá ráðgeving til fulla ábyrgd av arbeiðinum.
Umsókn
Hevur tú áhuga í at søkja starvið, so send okkum nøkur orð um teg sjálva/n og møguligar arbeiðsroyndir.
Meira fæst at vita við at ringja til Jákup Heinesen, telefon 260345.
Umsóknir skulu sendast til dveylan@dveylan.fo. Viðmerk “Umsókn – kvøldleiðari”.