Samskapari til búeindirnar hjá NBH - farloyvisstarv

Vit sóknast eftir
Einum samskapara í farloyvisstarv á setanarbrøki 0,5 at byrja  1. september 2021 til og við 31. januar 2023.

Endamálið við starvinum er at skapa ein virknan og  innihaldsríkan gerandisdag saman við bú- og starvsfólkunum á búeindunum í NBH.

Tú kemur at starvast saman við einum øðrum dugnaligum samskapara, ið somuleiðis er settur hálva tíð.

Høvuðsuppgávan hjá starvsfólkunum í NBH tekur støði í visjónini hjá NBH, sum er:

• NBH strembar eftir at skapa fjøltáttaðar møguleikar fyri nærveru, eldru borgarum, avvarðandi og starvsfólkum at gagni.
• NBH vil raðfesta fleksibilitet og samskapan í teimum loysnum, ið framyvir skulu finnast á eldraøkinum.
• Fyritreytin er eitt hugvekjandi øki, sum er grundað á álit, høgt fakligt støði og virðing.

 Førleikakrøv

• Persónligar eginleikar, ið kunnu kveikja ein lívsjáttandi gerandisdag
• Útbúgving innan námsfrøðiliga ella heilsufakliga økið
• Áhuga í at arbeiða saman við eldri borgarum
• Góð samstarvs- og samskiftisevni
• Áhuga í og evni til at virka í einum tvørfakligum toymi
• Evni at arbeiða sjálvstøðugt
• Virkisfýsni og áhuga í at menna tænastuna

 Vit kunnu bjóða

• Stórar fakligar avbjóðingar
• Spennandi og sjálvstøðugt starv
• Góða upplæring í samstarvi við annan samskapara

Í NBH leggja vit stóran dent á høgt fakligt støði, men av tí at teir persónligu eginleikarnir viga sera tungt í hesum starvi, tilskila vit okkum rætt til at javnseta persónligar eginleikar við fakligar førleikar.

Lønar- og setanartreytir
Lønar- og setanartreytir eru sambært avvarðandi sáttmála.

Nærri kunning um starvið fæst við at venda sær til Meibritt Djurhuus, deildarleiðara í Sambýlinum í Bøgøtu, á tel. +298 793425 ella við telduposti til meibrittd@nbh.fo.

Umsókn, við avritum av prógvum, autorisatión v.m., verður at senda til nbh@nbh.fo ella Norðoya Bú- og Heimatænastu, Nólsoyar Pálsgøta 32, Postsmoga 2, FO-710 Klaksvík.

Umsóknarfreistin til starvið er á middegi 5. juli 2021.