Tórshavnar kommuna
Lýsing
Stjórnarskrivstovan søkir eftir tænastusinnaðum, fryntligum og væl skipaðum starvsfelaga til móttøkuna í ráðhúsinum at starvast hálva tíð.
Nógvir gestir og viðskiftafólk vitja í ráðhúsinum í Havn. Gerandisdagurin er virkin og eyðkendur við nógvum fundarvirksemi, og við serlig høvi er húsið karmur um vitjanir og móttøkur við bæði føroyskum og útlendskum gestum.
Høvuðsuppgávan hjá skrivstovufólkinum í móttøkuni er at taka væl ímóti, vegleiða og leiðbeina vitjandi gestunum og starvsfólkunum, sum starvast og hava ørindi á ráðhúsinum.
