Lýsing
Vit bjóða eitt starv í eini altjóða fyritøku, sum er ein av fremstu innan sítt økið. Starvið er spennandi og fjølbroytt, har tú kemur at arbeiða tætt saman við goymslu- og sølufólkunum. Tú verður lærd/ur í sølu, innkeypi, goymslustýring, logistikki osv. Arbeiðsstaðurin er á høvuðssæti okkara í Fuglafirði.
Vit ímynda okkum at tú ert:
- Ágrýtin og álítandi
- Hevur prógv frá miðnám
- Kanst arbeiða sjálvstøðugt og í toymum.
- Ert skipað/ur og fleksibul
- Hevur lætt við at samskifta við fólk
- Kanst samskifta á føroyskum, norðurlendskum og enskum í bæði skrift og talu.
Starvstreytir:
Lønarviðurskifti og setanartreytir verða sambært avtalu við leiðsluna
Umsókn:
Vil tú vita meir um starvið, ert tú vælkomin at ringja til Hjalmar Petersen á telefon 214392.
Skrivlig umsókn við CV, prógvum og møguligum viðmælum eigur at verða okkum í hendi í seinasta lagi 15. august og skulu sendast til hjalmar@vonin.com við evninum “goymslu- og sølulærlingur”
Um okkum:
Vónin varð stovnað í 1969 og er í dag ein av heimsins fremstu framleiðarum av fiskireiðskapi og aliútgerð við 17 deildum í Føroyum, Kanada, Grønlandi, Norra, Litava, Danmark og Russlandi. Í samtakinum starvast umleið 450 fólk. Deild okkara í Fuglafirði er høvuðssætið í samtakinum og stendur eisini fyri framleiðslu og viðlíkahald av fiskireiðskapi til uppisjóvarvinnuna og hevur kundar bæði í Føroyum og uttanlands. Á deildini í Fuglafirði starvast áleið 30 fólk.
