Almannaverkið
Lýsing
Almannaverkið søkir nú eftir fólki til spildurnýggja Sambýlið á Reynstúni á Argjum. Húsið er fyri fólk við menningartarni og fjølbreki, sum eftir ætlan flyta inn áðrenn summarfrítíðina. Í húsinum er pláss fyri 18 fólkum. Sambýlið er skipað í tveimum lonum við níggju búfólkum í hvørji lon. Karmarnir eru sera góðir, bæði fyri búfólk og starvsfólk.
Um størvini
Fleiri størv millum 25-40 tímar um vikuna at byrja skjótast gjørligt ella eftir nærri avtalu. Møguleiki er fyri at tillaga tímatalið. Arbeitt verður í skiftandi vaktum. Vaktirnar fevna um alt døgnið allar dagar í vikuni og 3. hvørt vikuskifti.
Starvsstaðið er í løtuni á Eirargarði 16A og B í Havn, men verður flutt á Reynstún, tá ið virksemið flytur.
